IPES

Ipes elkartea Izarkom-ekin elkarlanean

komunikazioa — Wed, 06 Nov 2024 11:06:37 +0000

Ipes elkarteko bulegoa eta gure jarduna #Izarkom bitartez egingo dugu hemendik aurrera. Telekomunikazio burujabetzan gure ekarpena eta elkarlana beti prest .

#Ipes #EzUtziGaldetzeari

The post Ipes elkartea Izarkom-ekin elkarlanean appeared first on IPES.

Cloacas. Los negocios sucios del agua en Euskadi dokumental emanaldia

komunikazioa — Sun, 26 Nov 2023 09:24:52 +0000

Ipes elkarteak, azaroaren 26an (igandea) Ricardo Gamaza eko-kazetariaren azken lanaren emanaldia egingo du ASTRA Gernikan. Ura, bizitzeko oinarrizko elementua, negozio bihurtzerainoko kudeaketa du gurean. Eta bere helburu, prozedura, interes eta ondorioen berri ematen duen ikus-entzunezkoa da.

Iratxe Arriolak egingo du sarrera. Eako alkate ohia, Busturialdeko Ur Patzuergoko kide ohia ere, eskualde honetan uraren kudeaketak izandako ibilbidearen ezagutza zehatza du, eta ahots kualifikatua afera honetan.

Informazio gehigarri gisa, Jon Bernart Zubiri Rey-k Hor Dago El Salto atarian idatzitako kronika:

https://www.elsaltodiario.com/agua/documental-destapa-negocios-sucios-del-agua-se-presenta-hoy-gernika

The post Cloacas. Los negocios sucios del agua en Euskadi dokumental emanaldia appeared first on IPES.

Memoria elkarrizketa: Usurbil 1936 memoria elkartea

komunikazioa — Thu, 15 Jun 2023 08:16:29 +0000

Ekainaren 14an, ASTRA Gernikan, memoria elkarrizketa saio berria egin genuen. Oraingoan, Usurbil 1936 memoria elkartea gonbidatu genuen, eta, Aitor Azurki, Arantxa Manterola eta Jon Martin etorri zitzaizkigun herri-memoriaren eraikuntzan egiten ari diren lanaren berri ematera, eta, horren bitartez, gogoeta kolektiborako espazioak sustatzera. Gainera, Ingo Niebel euskal-alemandar idazle, kazetari eta historialariaren bideo bat izan genuen, Gernika eta Usurbilen arteko zubigintza ederra plazaratuz.

Azken urteetan lan emankorra egin dute herrian: lubakien berreskurapena, ezagutzen ez zen informazioaren lorpena, testigantzen jasoketa, oroimen ekitaldiak, kultur espresio ezberdinen parte-hartzea sustatu, aitortza ofizialen lanketa….lan guztia oso ondo laburbiltzen duen webgunea ere martxan jarri dute, eta sartzera gonbidatzen zaituztegu, zalantzarik gabe, dibulgaziorako euskarri oso baliagarria delako: www.usurbil1936.eus

ASTRA eraikina bera ere erakutsi genien, eta bere lan filosofia. Hitzaldia amaitu eta gero, orduko merkatu plaza zena (gaurko pasealekua) ikustera joan ginen, eta bertan dauden oroigarriak erakutsi genizkien. Elkar ezagutzatik, elkarlanerako aukerak eta gogoak sortu genituen aurrera begira ere.

Eskerrik asko bertaratu zineten guztioi, eta zorionak Usurbil 1936koei egiten duzuen lanagatik. Aupa zuek! #Ipes #ezutzigaldetzeari #usurbil1936

The post Memoria elkarrizketa: Usurbil 1936 memoria elkartea appeared first on IPES.

Pentsamendu bakarraren aurrean, prentsa askatasuna

komunikazioa — Mon, 27 Feb 2023 15:53:24 +0000

Datorren otsailaren 28an (asteartea) ASTRA Gernikan solasaldia egingo dugu, arratsaldeko 19tan, Ipes elkarteak antolatua.

Izenburu gisa “pentsamendu bakarraren aurrean, prentsa askatasuna” planteatu dugu. Bertan, Pablo Gonzalez kazetari elantxobetar-nabarniztarraren egoera mahai-gaineratuko dugu bere atxiloketaren urteurren egunean (2022ko otsailak 28), eta Poloniako espetxean gatibu dutenez oraindik, kasuaren berri emango digu bere senidea den Oihana Goirienak. Horrezaz gain, Ramon Zallo Elgezabal, ekonomia eta zuzenbide lizentziaduna, eta informazio zientziatan doktoreak ere parte-hartuko du astearteko solasaldian.

Horretarako, Oihana Cabello kazetariaren laguntza izango dute eta prentsa askatasuna, gatazka guneetan prentsaren paperaz, sustatu den elkartasun kanpaina etab.az mintzatu gara.

The post Pentsamendu bakarraren aurrean, prentsa askatasuna appeared first on IPES.

Memoria elkarrizketa, Lemoako esperientzia

komunikazioa — Tue, 05 Jul 2022 09:43:30 +0000

Ekainaren 21ean Lemoako memoria eraikuntzaren esperientzia ezagutu genuen Ipes elkarteak ASTRA Gernikan egindako memoria elkarrizketa saio berrian. Ikasturte amaierako ekimen legez, Estepan Urkiaga “Lauaxeta”ren erailketaren 85.urteurrenaren testuinguruan (1937ko ekainaren 25ean), Pablo Rodriguez teknikaria eta Saioa Elejabarrieta Lemoako alkatea izan genituen gonbidatu bezala.

Ikerketa eta dibulgazioa, emakumearen memoria, gazteen parte-hartzea, museoaren eraikuntza, ibilbideak, herriko taldeen inplikazioa….lan emankorra urteetan egindakoa.

Oso interesgarria izan da. Eskerrik asko egindako lanagatik!

The post Memoria elkarrizketa, Lemoako esperientzia appeared first on IPES.

Oroitzen Hondarrak nota txikietan emanaldia

komunikazioa — Mon, 25 Apr 2022 09:44:44 +0000

Apirilaren 24an, ASTRA Gernikan, emanaldi ederra eskaini ziguten Nerea Zuloaga ahotsak, Izaskun del Cerro piano joleak, eta Mikel Etxaburu olerkariak, Yera Sanchezen irudien laguntzarekin, eta Gernika bonbardatu zutela 85 urte betetzen diren testuinguruan.

Memoriari begirada zabaldu, eta “Ahaztu baino lehen, ama” poesia liburuan oinarrituriko emankizuna da, amaren memoria ardatz, gogoeta eta bizipen ezberdinak plazaratzen ditu.

Hemen daude zenbait argazki ikusgai: Txebi Arriaga da argazkilaria:

Bideo-laburpen hau egin dugu, egindako emanaldiaren lagun gisa. Gure vimeo kanalean dago ikusgai:

The post Oroitzen Hondarrak nota txikietan emanaldia appeared first on IPES.

Ipes elkartea Herri dendan

komunikazioa — Sun, 19 Dec 2021 11:06:37 +0000

Beste urte batez, Ipes elkartea Zirika gunean burutzen den Bilboko herri mugimenduen azokan parte-hartzen ari gara. Abenduaren 13tik urtarrialren 8ra bitartean izango da, eta gainerako eragile ezberdinekin gure materiala topatuko duzue bertan. Animatu eta gerturatu!

The post Ipes elkartea Herri dendan appeared first on IPES.

Memoria elkarrizketa: Bakio

komunikazioa — Fri, 19 Feb 2021 14:25:00 +0000

Memoria elkarrizketa saioa Bakioko herri memoria lantzen duten bi emakumerekin burutu dugu, 2021ko otsailaren 18an, ASTRA Gernikan: herriko alkatea den Amets Jauregizar eta memoria lan-taldeko kidea den Laura Uriarterekin.

Herri txikia den arren, Bakiok interes estrategikoa eduki zuen 1936ko Gerran, Sollube eta Jata mendiak albo-alboan dituelako. Inguru horren kontrola irabaztea funtsezkoa izan zan faxistentzat, Bilbora kostaldetik hurreratzeko. Horregatik, borrokaldi latzak egon ziren han.

1937ko maiatzean Bakioko herritar asko Zallarantz abiatu ziren babesleku bila, herrian faxistak sartzen zeudelako. Orduan alkate zanak, Leandro Oraindik, eman zuen herria hustutzeko agindua. Uztailean memoria eguna ospatzen dute, urtero, 2006az geroztik (lehena izan ezik, uztailean).

Ez da burutu duten egitasmo bakarra. Lan iraunkorra egiten dago herriko memoria berreskuratu, ezagutu eta gaurko testuingurura ekartzeko hainbat herritarrek, udalaren laguntza eta sustapenarekin. Beste adibide bat, honokoa:

1931tik 1945era Bakion jazo zenaren analisi objektibo eta sakona egin du Zuriñe Goitia ikerlariak orain urte bi. Lau atal nagusi ditu liburuak. Lehenengo partean, gerraren aurreko urteak aztertu ditu, Errepublikaren sasoiak. Bigarren atalean gerra bete-betean agiri da, Bakio faxisten esku jausi zen arte. Hirugarrenean, gerraostea, diktaduraren lehenengo urteak eta errepresaliatuen datuak. Azkenik, laugarren zatian lekukoen testigantzak datoz. Bakioko udalak eta Aranzadi zientzia elkarteak egin dute bat “Bakio 1936-1945. Giza Eskubideen zapalketa eta errepresioa Gerra Zibilean eta Lehen Frankismoan” izeneko liburuak argia ikusi dezan, Labayru Fundazioa ere laguntzaile dela.

Udalaren parte-hartzea memoria eraikuntzan, herri mugimenduak egindako lanari balioa ematea, herritarren inplikazioa memoriaren berreskurapenean…erpin askotariko esperientzia da Bakiokoa.

The post Memoria elkarrizketa: Bakio appeared first on IPES.