Mendekotasuna gainera ez da argindarrarekin edo telekomunikazioekin soilik gertatzen; sare eta azpiegitura kritikoak aipatzean, datu-zentroak ere sartu behar ditugu ekuazioan.

Ezinbestekoa dugu guztionak izan beharko luketen oinarrizko ondasunen gaineko burujabetza berreskuratzea,
sare deszentralizatu eta demokratikoagoak sortuz eta elkar konektatutako herri alternatiba iraunkorrak piztuz…

Hemen irakurgai:

The post Teknologia burujabetzarako azpiegiturak appeared first on IPES.

Ibilbide luze honetan argitalpen ezberdinak plazaratu ditugu; izan gure lan-taldeek sustatua, izan beste elkarte eta eragileekin elkarlanean, izan espazio zabalagoetako partaideak izan garen aldetik. Euskarriari dagokionez paperezko euskarriak izan dira nagusi, baina dokumentalak ere landu ditugu, adibidez. Hori bai, guztiak auto edizioa izan dute filosofia eta egiteko nagusi.

Zerrenda luze honetan barnebildu ditugu urte luze hauetan, eta orain arte, argitara eman ditugun guztiak. Ziurrenik ez daude denak; eta ziurrenik ez ditugu gaur gaurkoz -eta pena handiz- bakoitzaren gutxienez ale bat gordea. Baina gure jantzigintzak haririk ez duenez etenik izan, jasotako ondareari balio politiko eta soziala ematen jarraitzen dugu. On egin! eta batez ere, ez utzi galdetzeari:

The post Ipes elkartearen argitalpenak (1977-2025) appeared first on IPES.

Aurre-ikusita izan dugun azken saioa izan da hau; 20 aurkezpen egin izan ditugu Bizkaian barrena, eta,horietatik 8 -Mundaka, Gernika-Lumo, Foru, Bermeo, Arratzu, Morga, Gautegiz-Arteaga, Ajangiz- Busturialdean egin ditugu.

Udan, Ea-ko Berton dendan elkar ikusiko dugu (data zehazteke).

#Ipes#EzUtziGaldetzeari

The post “La maleta de Urdaibai-Urdaibaiko maleta” liburu aurkezpena appeared first on IPES.

#Ipes#ezutzigaldetzeari

Hemen duzue jasoa hitzaldi osoa:

The post Garapen agentzia Urdaibain, zergatik ez? hitzaldia appeared first on IPES.

2019an argitaratu genuen Oiane Valerorekin liburua. Azterketa eta ikerketa sakona, Euskal Herriaren historiaren gaineko hutsune bat betetzera zetorren. Euskal Herriaren askatze markoa eta euskal langile andreak askatze subjektua marraztu ziren bertan.

Euskal langile andreen ibilbide historikoa aztertzeari atea zabaldu zion liburuak. Hurbilketa bat eginez, ireki beharko liratekeen azterketa askoren abiapuntu xumea izateko bokazioarekin izkiriatu zen. Izan ere, zapalkuntza hirukoitza gainditzeko bidean, erresistentzia borrokak, ekarpen aberatsak eta urrats esanguratsuak egin zituzten euskal langile andreek, maila eta modu ezberdinetan, eta horien bilduma izaera ere bazuen lanak.

Azterketa marxistarako oinarrizko liburuxka eta gero, argitaraturiko liburuxka izan zen, 2017an. Gure marxismo lan-taldeak ezagutza kolektiboan oinarrituriko lana zen, hain zuzen ere. Tresna izaera izan zuten, biak ala biak. Mintegi, tailer eta prentsamendu kritikoa sustatzeko espazio ezberdinak eratzeko baliabideak izan dira urte luzez, eta Ipes elkartearen ekarpen emankorrak izan dira haien harrera ona ikusirik; batez ere gazte antolatuen artean. Egiturazko azterketak egin ahal izateko, metodo marxistetara hurbiltzeko lanabesak bihurtu dira.

#EzUtziGaldetzeari

The post Gure bi libururen berrargitalpena appeared first on IPES.

Gure asmoa, liburuaren zabalpenaz gain, eztabaida kolektiboa sustatzea da; ekarpena egitea, bederen. Guggenheim Urdaibairen borroka irabazi dugu (eta esan beharra dago!) baina benetako afera beti beste bat izan da: Busturialdea-Urdaibairen oraina eta etorkizuna.

“Euskal” neoliberalismoak turistifazioz, prekarietatez, etxebizitza eskuratzeko ezintasuna, kostaren maisfikazioz, 3.sektorizazioz etab luze batez bete nahi du. Eta bertan bizi eta lan egiten duten herritarrak bigarren plano batera bidali. Eta hor dago gakoa.

Literaturak begiradak altxatzeko balio digu. Kultura, memoria, artea, biosfera erdigunea jartzeko bide posible bat da, eta tramaren bidez, kontakizun posibleak irudikatu. Hor kokatzen dugu liburu honen birtualitatea, eta horregatik uste dugu bere zabalpena inoiz baino garrantzitsuagoa dela.

Eta orain zer? hor dago galdera. Bide berriak, bide guztiak esaten zuen olerkariak. Ekin diezaiegun bada!

Baditugu aurkezpen berriak aurki: Ajangiz, Gautegiz-Arteaga eta Ea, kasu.

The post “La maleta de Urdaibai-Urdaibaiko maleta” liburuaren aurkezpenak Busturialdean zehar appeared first on IPES.

Biosfera, artea, kultura, memoria, lurralde antolaketa, prekarietatea, turistifikazioa, biodibertsitatea….eta gehiago, eleberri distopiko bakarrean.

Gaztelerazko bertsiotik ateratzen den dirua Gernika-Palestinaren bidez Palestinara bideratuko dugu.

#Ipes#EzUtziGaldetzeari

The post “La maleta de Urdaibai-Urdaibaiko maleta” liburu aurkezpena Foruan appeared first on IPES.

Ikasturtearekin batera nazioarteko zikloa abiatu dugu. Maputxeen herria Orlando Carriqueo lur defendatzaile eta komunitateko ordezkariarekin, Conversatorio Latindar Amerikarra Maputxeen herria, El Salvador eta Guatemalarekin, El Salvador Ivania Cruz abokatuarekin, Argentina Federico Giuliani sindikalistarekin, hurrenez hurren.

Ekimen guztiak Gallartako Martin Etxea aterpe etxearekin egiten ditugu, elkarlanean: https://www.martinetxea.eus/

The post Latino Amerikari buruzko zikloa appeared first on IPES.

Mugikorrak eskoletan, bai ala ez; nola arautu. Ordainketa automatikoak supermekatuetan; onurak eta arriskuak. Adimen Artifizialaren erabilera. Kamarak kaleetan eta dendetan. Zenbat lanbide desagertuko diren eta zenbat sortu. Horren karietara, eztabaida zahar/berrituak: soldata unibertsala bai ala ez. Klima aldaketari aurre egiteko aukera ala ez. Gure datuekin -guk ematen dizkiegun datuekin- zer egiten duten ez dakigu, nahiz eta bai susmatu, kontsumismora bultzatzen gaituztenean eta hauteskundeak manipulatzeko erabiltzen dituztela zantzuak ditugunean. Eta abar luze bat.

Gizon-emakumeen historia luzean, teknologiaren garapena ez da gauza berria. Espeziaren hasieratik izan dugu bidaide, garapen horren motorra izan da. Oraingo berritasuna garapen horren abiaduran datza, eta sakontasunean, gure bizitzaren arlo guztiak astinduz.

Dena den, gure ustez, hauxe gertatzen zaigu:

• Marko egokiak ez ditugula aurkitzen fenomeno honetaz patxadaz hitz egiteko. Bai, patxadaz, gauza benetan garrantzitsuei buruz hitz egiteko denbora behar dugulako, eta espazio egokiak. Beraz, maila batean edo bestean, denok kontsumitzen eta erabiltzen dugu praktikan mugatu ez dugun teknologia bat. Garapen teknologikoa bultzatzen duten interes pribatuek interes publikoaren gainetik ipintzen dute bere etekin gosea. Teknologiaren eraginari buruz tabernetan eta lagun taldeetan hitz egiten dugu. Ongi da, baina ez da nahikoa. Atzetik goaz.

• Eztabaida sakon faltaren eraginez, ezin dugu ondo neurtu noraino diren onuragarriak teknologia berriak eta noraino kaltegarriak. Saihestezina den fenomeno bat ezin dugu demonizatu bere orokortasunean, ezta akritikoki ere onartu. Gure jarrera pasiboa da, kontsumitzaileena. Beharbada aktiboak izango gara beste arlo batzuetan gure auzo eta herrietan, lantegi eta institutuetan, baina algoritmoaren aurrean, oro har, nahiko pasiboak gara. Erabiltzen ditugu eta erabiliak izaten gara. Ea atera behar garen sare hauetatik, beste hauek erabiltzeko, … . Ez gara gai ezta herri militanteen esparrutean ere erabaki kolektiborik hartzeko.

• Hitzarmen baten faltan gaude. Ez zentzu formalistan uler daitekeen hitzarmena, ezta guztiz arautzailea ere izango dena. Landa bati ezin zaizkio ateak ipini. Gainera, teknologia berrien jabetza sisteman guk ez dugu eragin eraginkorrik. Baina bai behar dugula gutxiengo adostasun zabal eta anitza lortu marko orokorra ulertzeko eta ondorio batzuk ateratzeko, Herri honen gehiengoak sostengu ditzakeen ondorioak. Dena ezin dugu arautu, baina gauza batzuk bai eta era koordinatuan egin behar dugu. Herri moduan egin daitekeen ariketa da, egin behar dena, baita arlo ezberdinetan ere, langile mugimenduan, ikasle mugimenduan… Gure ekarpena, gure xumetasunetik eta gure muga guztiekin, herri mugimenduetara eramatea eztabaida hau izan daiteke, baldin eta horren kontzientzia hartzen badugu.

• Herri mugimenduetan, inertzien inertziengatik, sare batzuk erabiltzen ditugu eta gainera modu zehatz batean; horretaz pentsatu behar dugu. Militatzeko era, beste faktore batzuk ere tartean egonda, aldatu du teknologiak; horri buelta bat eman behar diogu. Kameren hedatzeagatik zailago egiten zaigu aktibismo militantea, isunen arazoa biderkatuz; adostasunetik kokatu beharreko oztopoa. Baina onurak ere ateratzen ditugu teknologia berriei, esaterako eta era neurtu batean, bilerak on-line egiteko aukerak egonda eta, programatikoki, alternatibak eskaintzeko baliabideak emanda, borroka ekologistetan, hiri ereduaren inguruan antolatzen diren mugimenduetan….

• Baina batez ere, irakurketa parte-hartzailea eta kolektiboa garatu beharko dugu. Teknologia horren inpaktuaren ingurukoa, posizio bat hartzearen aldekoa, kontzientzia garatuz hain konplexua den faktore honen inguruan. Badago martxan Euskal Herria mailan marko bat honetaz hausnartzeko, Euskal Herria Digitala, Fundazio, eragile sozial eta sindikatu ezberdinak biltzen dituena. Bertan Ipes ere badago. Manifestu bat plazaratu zuen duela bost urte eta ordutik hitzaldi, jardunaldi, eta ariketa ezberdinak zabaldu ditu eta zabaltzen ari da. Pentsatzeko gune guztiz ezinbestezkoa: https://ipes.eus/lanak/euskal-herria-digitala-ren-partaidea-da-ipes-elkartea/

Gure esku dago hain kaotikoa den prozesu bat ordenatzeko ahaleginak egitea. Pentsamendu kolektibotik jarrera koherenteak mantentzeko, herri dinamiken onurarako. Ulertu, gauzak aldatzen joateko. Adi bada, ekimen ezberdinetan parte-hartzeko espazioak aktibatzeko, horretan laguntzea delako gure asmoa. Kontaktuan gaude.

Ziberburujabetzara bidean

The post Herri mugimenduetatik teknologiaren garapenari buruz pentsatzen appeared first on IPES.

Ikasturtearekin batera nazioarteko zikloa abiatu dugu. Maputxeen herria Orlando Carriqueorekin, Conversatorio Latindar Amerikarra Maputxeen herria, El Salvador eta Guatemalarekin, El Salvador Ivania Cruzekin, Argentina Federico Giulianirekin, hurrenez hurren.

Ekimen guztiak Gallartako Martin Etxea aterpe etxearekin egiten ditugu, elkarlanean: https://www.martinetxea.eus/

The post Ipes elkartearen nazioarteko zikloa appeared first on IPES.