Ipes elkarteak “memoria elkarrizketa” saioak egiten ditu, orain bi urtetik, Gernikan. Ikuspegi eta erpin ezberdinetatik herri-memoria, nondik eta Gernikatik, lantzeko ekarpena izateko.

 

Ekainaren 25eko data  bi helburuetarako baliatu izan dugu: batetik ikasturte amaierako memoria ariketa izateko; eta, bestetik, Estepan Urkiaga “Lauxeta”ren itzala Gernikara hurbilduz, bere figuraren alde ezberdinetan (kazetaritza, hizkuntza, politika, gerra, literatura…) sakontzeko.

 

Aurton, krisi garai honetan, bi saio online eta bat presentziala egingo ditugu: Ibai Alzaga Mungiako Haizetara elkarteko kidea eta Lander Garcia Gasteizko Martxoak 3 elkarteko kideei elkarrizketa telematiko bana batetik, eta, bestetik, ekainaren 25ean bertan Markinaldeko Ahaztuen Oroimena 1936 elkartekoak Gernikara presentzialki gonbidatuz.

 

 

Ekainaren 20an,ikusgai. Ibai Alzaga, Mungiako Haizetara elkarteko kidea:

 

Lauxeta Laukizen jaio, eta Mungiako semea izan zen; Haizetara elkarteko kideak pertsonaia honen eragina herrian, elkartearen dinamika eta belaunaldi berriei begirako oroimen-transmisioaz aritu izan da elkarrizketa emankor honetan.

 

Ekainaren 23an, ikusgai. Lander Garcia, Gasteizko Martxoak 3 elkarteko kidea:

 

Lauaxeta, 1937ko ekainaren 25ean fusilatua izan zen Gasteizko hilerrian. Gertaera horretatik tiraka, Landerrek orduko Gasteizko testuingurua, errepresioaren erradiografia integrala, eta gaurdaino garamatzan memoria-haria eskaini digu, gogoetarako.

 

Ahaztuen Oroimena 1936 elkartea:

 

Datorren ekainaren 25ean Gernikan izango ditugu Markinaldeko oroimen elkarteko kideak. Markina-Xemein, Etxebarri, Ziortza-Bolibar aintzat hartzen duen eragile honek lan emari handia du bertoko testigantzak jasotzen, lubakietako istorioak argitaratzen, Erorien Haranean dauden gorpuzkinen berreskurapena laguntzen senideei etab.ean.